Bullgaria do të mbështesë vendimin për nisjen e bisedimeve për anëtarësimin e Maqedonisë së Veriut dhe Shqipërisë në BE. Kështu sot vendosi Qeveria e Bullgarisë. Megjithatë, Sofja vendosi edhe kushte që duhet të përmbushen gjatë bisedimeve.
Zëvendëskryeministrja dhe ministrja e Punëve të Jashtme, Ekaterina Zakharieva pas mbledhjes së Qeverisë deklaroi se Sofja është për nisjen e bisedimeve për Maqedoninë e Veriut dhe Shqipërinë në paketë, për shkak se ndarja e tyre do të ishte gabim dhe mund të sjell destabilitet në rajon, përcjell Telegrafi Maqedoni.
Sa i përket Maqedonisë së Veriut, Zakharieva tha se Bullgaria që moti si kusht për Maqedoninë ka pasur marrëdhëniet e mira ndërfqinjësore.
“Kjo është e qartë që prej Deklaratës së vitit 1999, më pastaj me Memorandumin për mbështetjen e integrimit euroatlantik të vendit dhe më në fund me nënshkrimin e Marrëveshjes për fqinjësi të mirë nga kryeministrat Borissov dhe Zaev”, tha Zakharieva.
Ajo shtoi se Bullgaria do të votojë ‘për’ nisjen e bisedimeve për Shkupin dhe për Tiranën në tetor të këtij viti.
Edhe ministri i Mbrojtjes, Krasimir Karakaçnov pas mbledhjes qeveritare deklaroi se Bullgaria mbështet anëtarësimin e Maqedonisë së Veriut në NATO, por me disa kushte.
Historia nuk mund të jetë kompromis, tha Karaçnaov, duke shtuar se zgjidhja e kontesteve historike është një nga kushtet e Bullgarisë.
Nën masa të rrepta të sigurisë, Bedri Krasniqi sillet në Gjy...
Musliu: Skenari i rrenave të Albinit, sot po kthehet në real...
Pas Shqipërisë, Von der Leyen viziton Maqedoninë e Veriut
Hoti akuzon Qeverinë për keq menaxhimin e KEK-ut: Energjia e...
Muharrem Jashari u shpall lojtari i muajit dy herë radhazi t...
Ministria e Mbrojtjes shpall konkurs për pranimin e kadetëve...